उदयपुर ।
उदयपुरको रौतामाई गाउँपालिका-७ मुर्कुची बजारमा रहेको स्थानीय भरत थापाको तेजपत्ताको गोदाम घरमा अचानक आगलागी हुँदा करिव २ करोड मुल्य बराबरको क्षति भएको छ ।
बिहिवार बेलुका ६ बजे देखि शुरु भएको आगलागीमा निजको गोदाममा रहेको सम्पूर्ण समान जलेर नष्ट हुँदा उक्त मुल्य बराबरको क्षति भएको जिल्ला प्रहरी कार्यालय उदयपुरले जनाएको छ ।
उक्त आगलागी प्रहरी, स्थानीयवासी र त्रियुगा नगरपालिकाको दमकलको सहयोगमा राती १२ बजे पूर्ण नियन्त्रणमा लिईएको थियो भने उक्त आगलागीबाट अन्य मानवीय तथा चौपाया क्षति नभएको उक्त कार्यालयले जनाएको छ ।
