मेची नदीले बगाएको युवकको शव भेटियो
भद्रपुर ।
मेची नदीले बगाएर बेपत्ता भएका युवकको शव मंगलबार बिहान भेटिएको छ ।
सोमबार दिउँसो साढे ४ बजे नदीले बगाउँदा बेपत्ता भएका भद्रपुर नगरपालिका–३ रंगिलाचोक निवासी भूपाल भुजेलका १९ वर्षीय छोरा सामुएल भुजेलको शव भेटिएको प्रहरी कार्यालय झापाका डीएसपी वसन्त पाठकले जानकारी दिए ।
भद्रपुर–५ स्थित नर्सिङ बगान नजिकैबाट मेची नदी पौडिएर भारत जान खोज्दा सामुएललाई नदीले बगाएको थियो । उनको शव घटनास्थलदेखि ७ किलोमिटर दक्षिण भद्रपुर- ३ दोभानमा आज बिहान साढे ७ बजे फेला परेको डीएसपी पाठकले बताए ।
सामुएलसँगै उनका साथी पनि गएका थिए। दुवै जना नदीमा पौडी खेलेर भारततर्फ जान लाग्दा एक जनालाई बगाएको थियो ।
