उदयपुर र मोरङमा डुबेर दुई जनाको मृत्यु
बिराटनगर ।
उदयपुर र मोरङका दुई स्थानमा पानीमा डुबेर दुई जनाको मृत्यु भएको छ ।
उदयपुरको बेलका नगरपालिका–८ माझीगाउँका ३८ बर्षीय दिलप्रसाद माझीको कोशी किनारामा माछा मार्ने क्रममा डुबेर मृत्यु भएको हो । कोशी किनारामा माछा मार्न गएका माझी आज दिउँसो पानीमा डुबी रहेको अवस्थामा मृत फेला परेका थिए ।
यता मोरङको बुढिगंगा गाउँपालिका–६ ऐलानपुरका ४० बर्षीय ठेगिया उरावको ऐलान खोलामा माछा मार्ने क्रममा डुबेर मृत्यु भएको छ । माछा मार्न भनी गएका उराव पानीमा डुबेर मृत अवस्थामा फेला परेको प्रहरीले जनाएको छ ।
दुवै घटनाका सम्बन्धमा अनुसन्धान भइरहेको प्रदेश प्रहरी कार्यालय विराटनगरले जनाएको छ ।
