मिक्वाखोला गाउँपालिकामा वडा सदस्यमा निर्विरोध
फुङ्लिङ,
ताप्लेजुङको मिक्वाखोला गाउँपालिका–५ को वडा सदस्यमा नेकपा (माओवादी केन्द्र) का उम्मेदवार सरिता गहते निर्विरोध निर्वाचित हुनुभएको छ ।
उहाँ दलित महिला सदस्यमा निर्विरोध निर्वाचित हुनुभएको हो ।
आसन्न स्थानीय तह निर्वाचनका लागि उम्मेदवारी दर्ताका क्रममा गठबन्धनको तर्फबाट दलित सदस्यमा गहतेको मात्र उम्मेदवारी परेको निर्वाचन कार्यालयले जनाएको छ ।
फताङलुङ गाउँपालिका–७ ओलाङचुङ्गोलामा वडाध्यक्षसहित सबै सदस्य निर्विरोध निर्वाचित भएको जिल्ला निर्वाचन कार्यालयले जनाएको छ ।
