चीनले ताईवान् माथी हमला गरेमा , कडा प्रतिउत्तर दिने – ताईवान

एजेन्सी,

चीन-ताइवान द्वन्द्व: एकातिर रुस र युक्रेनबीच द्वन्द्व जारी छ। यसैबीच, ताइवान र चीनबीचको वातावरण तातेको देखिन्छ। दुवै देशले एकअर्कालाई धम्की दिइरहेका छन् । चीनले आक्रामक रुख अपनाइरहेको बेला ताइवानले बदला लिने चेतावनी दिएको छ । यस्तो तनावपूर्ण वातावरणमा ताइवानका रक्षामन्त्रीले निकै महत्वपूर्ण वक्तव्य दिएका छन् ।

वास्तवमा, ताइवानका रक्षा मन्त्री चिउ कुओ चेङले चिनियाँ सेनाले ताइवानी क्षेत्रमा अचानक घुसपैठ गर्न सक्ने भएकाले हामी थप सजग रहनुपर्ने बताएका छन्। ताइवान स्ट्रेटमा तनाव बढेको छ। यस्तो अवस्थामा ताइवानी रक्षामन्त्रीको यो भनाइ निकै महत्वपूर्ण हुन्छ । यतिबेला ताइवानले अमेरिकासँग ठूलो मात्रामा हतियार खरिद गरिरहेको छ, जसका कारण चीन रिसाएको र धम्की दिदै आक्रोशित छ।

संसदमा आफ्नो सम्बोधनका क्रममा ताइवानका रक्षामन्त्रीले भने कि चिनियाँ सेनाले ताइवानको क्षेत्रीय वायु र समुद्री क्षेत्रमा प्रवेश गर्ने बहाना खोज्न सक्छ। हामी अलर्ट मोडमा हुन आवश्यक छ। यससँगै उनले चीनलाई कुनै पनि किसिमको घुसपैठको प्रयासको बदला लिने चेतावनी दिएका छन् ।

ताइवानका रक्षामन्त्रीले चिनियाँ सेना अचानक ताइवानमा प्रवेश गरेर आफ्नो क्षेत्रमा पुग्न सक्ने बताउदै त्यो कदम घातक हुन सक्छ उनले थप भने, ‘यदि मैले यो वर्ष यस्तो बयान गरिरहेको छु भने त्यसको अर्थ ती व्यक्तिहरु घुसपैठको तयारीमा छन् । ताइवानका रक्षामन्त्रीको भनाइलाई लिएर चिनियाँ विदेश मन्त्रालयका प्रवक्ता माओ निङले आफ्नो सार्वभौमसत्ता र भौगोलिक अखण्डताको रक्षा गर्न कडा कदम चाल्ने बताएका छन् ।

ताइवानले यसअघि पनि धेरै पटक आफ्नो आत्मरक्षाको अधिकार प्रयोग गर्ने र चिनियाँ सेना आफ्नो क्षेत्रमा प्रवेश गरेमा जवाफ दिने बताएको छ। उल्लेखनीय कुरा के छ भने गत वर्ष अगस्टमा अमेरिकी संसदको तल्लो सदन हाउस अफ रिप्रिजेन्टेटिभकी सभामुख न्यान्सी पेलोसीले ताइवानको भ्रमण गरेकी थिइन् । उनको भ्रमणपछि ताइवान र चीनबीच तनाव बढेको छ ।अहिले चीन ताइवान लाई जसरी पनि कब्जा गर्ने मन्सायमा छ ।