शोरुममा तोडफोड, पाँच लाखको क्षति

झापा ।

झापाको बिर्तामोडस्थित इसुजु गाडीको आधिकारिक बिक्रेता एप्सोल्यूट मोट्र्सको शोरुममा तोडफोड भएको छ ।

बिर्तामोड–१मा प्रवेश वस्नेतले सञ्चालनमा ल्याएको शोरुममा आइतवार राति तोडफोड भएको हो । तोडफोडबाट करिव पाँच लाख रुपैयाँको क्षति भएको बताइएको छ ।

शोरुममा कस्ले र किन तोडफोड गरेको हो खुल्न नसकेको प्रहरीले जनाएको छ । नचिनेका व्यक्तिले सोरुम तोडफोड गरेपनि शोरुमभित्र रहेको सामग्री केही नलगेको सञ्चालक बस्नेतले बताए ।

तोडफोडबाट शोरुममा रहेको सीसी क्यामेरा, कम्प्युटर दुई थान, प्रिन्टर, फलसिलिङ, दराज आदिमा क्षति पुगेको छ ।