‘मिस्टर एण्ड मिस प्रोभिन्स नम्वर १’ को चौथो संस्करणको तयारी मिस्टर एण्ड मिस सुप्रानेशनलसम्म
झापा,स्काई क्रिएटर्स इन्टरटेन्मेन्ट प्रालि प्रलिले यो वर्ष पनि प्रदेश स्तरीय ‘मिस्टर एण्ड मिस प्रोभिन्स नम्वर १’को चौथो संस्करण गर्ने भएको छ ।
पाँच वर्ष अघिदेखि निरन्तर सौन्दर्य प्रतियोगिता सञ्चालन गर्दै आएको स्काई क्रिएटर्स प्रालि ले यो वर्षपनि त्यसैलाई निरन्तरता दिएको हो । प्रतियोगितामा मिस्टर नेपाल २०१९ , मिस्टर सुप्रानेशनल २०२१ का सेकेण्ड रनरअप डा. सन्तोष उपाध्य र मिस युनिभर्स नेपाल २०२२ कि टपटेन फाइनालिष्ट दिक्षा खातीले तालिमको सहजीकरण गर्ने छन् ।
प्रतियोगितामा सहभागीहरुलाई नेतृत्व विकास, व्यक्तित्व विकास, मोटिभेसन, मास फेसिङ, डाइनिङ एटिक्यूट, आरजे/भीजे, फिटनेस, सेल्फ डिफेन्स, रनवे र अरु विभिन्न विधामा गु्रमिङ गराइने स्काई क्रिएटर्स प्रालिका अध्यक्ष सन्दिप राजवंशीले जानकारी दिए ।
प्रशिक्षणमा प्रदेश भरका १५ वर्षदेखि २७ वर्षसम्मका करिव ३० जना सहभागी रहने र सो कार्यक्रमको कोरियोग्राफी मिस्टर एण्ड मिस ग्यालमर लुक इन्टरनेशनल नेपाल २०१९ कि विजेता स्मृति सुनुवारले गर्ने अध्यक्ष राजवंशीको भनाई छ ।
प्रतियोगितामा विजेताले मिस्टर एण्ड मिस सुप्रानेशनल नेपाल २०२३ र मिस्टर इन्टरनेशनल नेपाल मा टप २५ फाइनालिष्टमा डाइरेक्ट इन्ट्री पाउने बताइएको छ ।
मिस्टर एण्ड मिस सुप्रानेशनल नेपालका विजेताले मिस्टर एण्ड मिस सुपरनेशनल इन्टरनेशनलमा नेपालबाट प्रतिनिधित्व जनाउन सक्ने बताइएको छ ।
